सेथि खोन्दो       page no:-1

सानफ्रोमबो फुंआव कल ननि साइरेना गाबो | सायरेननि खाब्रां सोदोबा दांसाफोर थाग्रा ननि सोरगिदिं उखुन्दैजों सोमखे जानानै थानाय बारखौ खम्फि होयो | अब्लासिमबो दांसाफोरहा उनदुनो थोआ | थेवबो बिसोर साइरेननि सोदोबाव हाखादावरायै सिरि मोनो, आरो सोमखे गाबनि नसाफोरनिफ्राय मोस्रोमफोरबादि आन्थोर जयि लारियै ओंखारबोयो|रागाज्रोम मोखां|सोरांफा माफानि खोमसि गुसु बार|बेबादि समावनो दांसाफोरा आगानसुरो हाब्रु हाला बुंफबनाय लामाजों |आगानजों हाब्रु सारफवयो|बिसोर अन्थायजों दानाय गोजौ इन्जुरनि अग्रं बादि दारिमिनआव हाबहैयो|अन्थायबिखा बै दानब जन्त्रआ|हाब्रु लामाखौ सोरां साथिहोनो लारि लारि सावनानै दोननाय थावनि बाथियाजेन बिनि मेगन, आरो दारिमिना दांसाफोरखौ मनग्लाबनो जमगासिनो दों|बिसोरनि  उन्दुनो ओंखाारहां बुथ्रा गारां ,दावराय दावसि आरो रायनाय सावैनायफोरा अख्रांखौनो सोमावग्लुंओ|बेनि उनाव जन्थ्र दानबनि हौ हौ सोदोबो बिसोरनि उन्दुनो ओंखाररोम बुथ्रा गारां ,दावराव दावसिखौ मनग्लाबो|दांसा खुलिनि बेसेबा गोजौआव अख्रां नांगा नलिया गोसोम जोमैबायदि उखुन्दै हगारनानै थोंगोर गसंओइ थायो|

                      
    सोनाब अख्रांअाव सान हाबलांओ |रुइदोब सान्दुंनि रोदाया खोरखिजों न सिंआव हाबलांओ|बयलारनि गारजानाय खैला बादि कारखानानिफ्राय दांसाफोरा ओंखारबोयो| होवा हिनजाव बयबो लामायाव आगान सुरफिनो|उखुनदै नांफबनाय मैला मोखां|उखैनायजों लोरबां|हाथायफोरा गुफुर जोंथि|मोदोम गंसेमानि कल सालायग्रा थाव मोनामब्रंनाय|न फारसे रावना होनो मोननानै जेन बिसोरनि खुगायाव एसे राव ओंखारबाय,एसे गोजोननाय|सानसेनि मावसोमनाया जोबबाय|आदार आरो जिरायसालिया जेनबा बिसोरखौ नेनानैसो दों|

                     बर' आरो रासिया!एसे रुजुना नायदो!
         फुंनिफ्राय मोनाबिलिसिम सानसेथोलो कारखानायाव थांओ|थांनानै थानायाव गोनां जानाय गासैबो गोहोखौनो कारखानाया सोबखनानै लायो|सिरियै जिउनि सानसे समा बारलांओ|बयबो गोथैसालिफारसे आगानफा दावगायो |
.....................Coming Soon Page No2............................

By Bineswar Baro