Part-I                page no-2

थेवबो दान्दिसे जिरायनानै जिउनि रंजानायखौ लानो बयहाबो हाबिला दों|उखुन्दै खुफबनायजों मेगन खेवन हायि सेलुननि रुमाव जौ लोंनायानो रंजानाय|बेयावनो बिसोरनि गोजोननाय|बेयावनो सुखु!

                 रबिबारखालि बांसिनानो जि बाजिसिम उन्दुनायनि हुदा|हाबा जाखांनायाव बोराय बुरैफोरा साखोन सिखोन सि जोम गाननानै गिर्जायाव थांओ|गिज्रायाव थांओइ सेंग्राफोरखो दोहोरोम फारसे बिखुं खालामग्रा होननानै निन्दा होयो|गिर्जानिफ्राय फैनानै फिथा जानानै उन्दुना थायो|

         गोबां बोसोर जानाय लोंनायनि गर गैयि जानायलाय उदैनि उखैनाया खम जालांबाय|उखै होनायनि राहा हिसाबैनो बिसोरनि बांसिनानो जौ लोंओ|भदकानि बोस्रोदनायाव बिबु बिलाफोरा आलौज्रोयो|

           मोनाबिलियाव आद्दा मारिनो राजा लामायाव ओंखारलांओ|जायफोरा अभारशु दंजायो बिसोर लामा गोरानब्लाबो गानलांओ आरो बोथोर मोजांब्लाबो साथा लानायखौ गारा|

           लोगो लोबबाजों ज' जायोबोला बिसोर कल कारखानानि बाथ्राखौनो सावरायो|फरमेनखौ रायो|

बिसोरनि राव फाव आरो साननाय हनायफोराव खामानिनि बाथ्राफोराल' बेरखांओ|गावनि खामानिजों लोब्बा गोयि जेबो बाथ्राखौनो रायज्लाया|बेबादि सहायथावै सानफोरनि गेजेरावबो माब्लाबा गोजों इयुननि सिमांआ बिसोरनि गोसोआव गुथाल लाबोयो|

            नआव गिदिंफिननानै बिसोर बिजि-फिसाजों दावराव खालीमो,बांसिनानो बुयोबो|सेंग्राफोरा जौ दखानाव लोंनानै आद्दा मारियो|खायफा सोरनिबा नआव थांनानै मेल फाथियो|लागाम गैयि मेथाय रोजाबो|रंजायो मोसायो आरो बुंथावयि रावनि बान गावयो|गोहो बोलो जोबलांनो हमनाय देहायाव एसे जौआनो खरआव गाखोयो|ओंथि गैयि दुंग्लोबनाय गोसोनिफ्राय ओंखारलांनो लामा नागिरो|जाहोनाव फिसा फिसा खोथानि थाखायनो नांलाय खमलाय सोमजियो गावजं गाव जखम खालामलायो|माब्लाबा जिउ थुंगेनाय जाथायबो जालांओ|

                   हारा मेलेमआव साग्लोबना थानाय हिंसारु आखुआ बिसोरनि गोसोआव साग्लोबसारनानै थायो|बे बिहारु आखुआ जेन जोनोमजों लोगोसे फैफानानै थैजासिम गाज्रि हाबा मावनो थुलुंगाबाय थायो...

...........coming soon page no3.............

......

                     By Bineswar Baro

                 Bajali college student  contact:- 8811806154

 E-mail:- paribineswarboro@gmail.com

Please Leave a comment if I have any mistake in this noble.........